សារស្វាគមន៍

អង្គភាព គ្រប់គ្រង ហានិភ័យ ត្រូវបង្កើតឡើង នៅអគ្គនាយកដ្ឋាន ត្រួតពិនិត្យ ទំនិញ នីហរ័ណ-អាហរ័ណ និងបង្រ្កាបការក្លែង បន្លំ ( កាំកុងត្រូល ) នៃ ក្រសួង ពាណិជ្ជកម្ម កម្ពុជា ក្រោមប្រកាស លេខ ១៥៤- អឹមអូស៊ី / អេស អឹម ២០១០ ចុះថ្ងៃទី ១៣ ខែ កញ្ញា ២០១០។ អនុលោម តាមអនុក្រឹត្យ លេខ ២១ អ.ន.ក្រ ចុះថ្ងៃទី ១ ខែ មិនា ឆ្នាំ ២០០៦ ស្តីពីកិច្ច សម្រួល ពាណិជ្ជកម្ម តាមរយៈ ការ គ្រប់គ្រង ហានិភ័យ អង្គភាព ខាងលើ មានតួនាទី ណែនាំ និង សម្របសម្រួល ការអនុវត្ត អភិក្រម ផ្អែកលើ ហានិភ័យ ទៅក្នុង គ្រប់សកម្មភាព ទាំងអស់ របស់ អគ្គនាយកដ្ឋាន កាំកុងត្រូល។

អង្គភាពនេះ នឹង អនុវត្ត ការងារ របស់ខ្លួន ក្រោមក្របខណ្ឌផែនការ យុទ្ធសាស្ត្រ គ្រប់គ្រង ហានិភ័យ របស់ អគ្គនាយកដ្ឋាន កាំកុងត្រូល ដែលតំរូវ អោយមាន ការរៀបចំ សៀវភៅណែនាំ ស្តីពី និតិវិធី ក្នុងការ អនុវត្តន៍ អភិក្រម។  សៀវភៅ ណែនាំនេះ មាន គោលបំណង កំណត់មាគ៌ា សំរាប់អង្គភាព នៅពេលដែល ខ្លួន អនុវត្ត អាណត្តិ របស់ខ្លួន។

ម្យ៉ាងវិញទៀត​ អង្គភាពនឹង ធ្វើការងារ របស់ខ្លួនជា​​ប្រព័ន្ធ ​តាមរយៈ ទំនិញ​ ‌ឬសកម្មភាព ដែល អគ្គនាយកដ្ឋាន កាំកុងត្រូល ទទួលខុសត្រូវ​ ដើម្បីធានាថា​ ក្នុងរយៈពេល ដ៏សមស្របមួយ​ អភិក្រមផែ្អក មូលដ្ឋាន លើហានិភ័យនេះ អាច នឹងត្រូវបាន អនុវត្ត ទូទាំង អគ្គនាយកដ្ឋាន​ កាំកុងត្រូល។

ជាមួយនេះដែរ  ​អង្គភាព ក៏មានតួនាទី សំខាន់ ក្នុងការពិនិត្យ មើលការងារ របស់ខ្លួន អោយបាន ត្រឹមត្រូវ​ ស៊ីចង្វាក់គ្នា ​និងសម ស្រប ​និង​ធ្វើយ៉ាងណា អោយដំណើរការ អនុវត្ត ការងារ ផ្ទៃក្នុង មានតម្លាភាព​ ដើម្បីកសាង ទំនុកចិត្ត ក្នុងការងារ វិភាគ​និងផ្តល់ ប្រឹក្សាយ៉ាង ពេញលេញ​ របស់ខ្លួន ដោយ យោងលើ កត្តាទាំងនេះ​ ខ្ញុំសូមស្នើ អោយមាន ការបោះពុម្ព សៀវភៅណែនាំ នេះ​ និង សូមស្វាគមន៍ រាល់ការ ចូលរួម មតិណែនាំ ​កែលំអរ​បំពេញ បន្ថែម​ដើម្បី ធ្វើអោយ សៀវភៅនេះ កាន់តែប្រសើរ ឡើង​និង ងាយស្រួល សំរាប់ ការអនុវត្តន៍។

សូមអរគុណ

រាជធានីភ្នំពេញ​ ថ្ងៃ     ទី​     ខែ    ​ឆ្នាំ ២០១១

   ប្រតិភូរាជរដ្ឋាភិបាល

ទទួលបន្ទុកជាអគ្គនាយកកាំកុងត្រូល

ម៉ក់​  ពេជ្ជរិទ្ធ